Bērnības atmiņu konkurss [vairosim pozitīvo enerģiju]
“Agnese rōpēs par aizdoru pi vušku. Tōs jau beja lykušōs gulēt i jiereni skaisti sasamīguši ap mameņom… Īraudziejuši Agnesi, jī pīsatryka kōjōs, ūstēja i bakstēja ar meikstajim purnenim, i sōce sprindžōt. Ari Agnese ceņtēs naatpalikt. Tai jī vysi laksteja, cikom pīkusa i sakryta cysōs. Agnese, apjāmuse mozōkū jiereņu, nūsalyka jam sūpluok sausajūs pakaišūs. Pavysam namonūt, pīsazoga mīdzeņš.. Mōte atroda Agnesi pi jāru soldonā mīgā.. i nūdūmōja: “Ak, bierneiba, tu patīsuma, bezbiedeibys i sirdsceisteibys laiks! Par kū Dīvs i doba tū atvieliejuši mums tik eisu?