Dekšōrēs dzīdōja saļmis

24. novembrī Dekšōrēs, bejušajōs veikala telpōs pogosta ļauds puļcējōs iz saļmu dzīdōšonu, sauktu ari par pōtoru tolku, pīmynūt viņsaulē aizgōjušūs tivinīkus i sābrus. 
Saļmis ir tradiceja, kas īkļauta Namaterialōs kulturys montōjuma sarokstā, tok, aizeimūt myužeibā vacōkajai paaudzei, saryukūt cylvāku skaitam laukūs i Latgolā, Latvejā kūpumā, mozynojūtīs katūļticeibys i tradiceju nūzeimei jaunōkōs paaudzis acīs, varātu saceit, ir vysai apdraudāta. Saļmu dzīdōšona nav vīgla – tei ilgst leidz pat diveju stuņžu, melodejis ir dažaidys i gona sarežgeitys, nūdūtys nu paaudzis paaudzē i parosti teik dzīdōtys nu golvys, navys nūšu lopu, viņ dzīšmu vōrdus skaitūt vacajōs pōtoru grōmotōs. 
Dekšōrīši paļdis soka iergelneicai i aktivai saļmu dzīdōšonys tradicejis kūpiejai Stiernīnis pusē Ievai Zepai, kura uzajēme vadeibu gona prōvajam dzīdōtōju puļceņam.

Vinetys Knipys foto