Literaturzynuotnīka i rakstnīka Valentina Lukaševiča jaunajā gruomotā 39 stuostūs autors īpazeistynoj ar Latgolys dīnvydu daļu (apdzeivuotuos vītys nu Nauļānu da Madalenis), vaicojūt – voi var dzeivuot bez vītys i voi vīta ir ari tod, kod nivīns tī nadzeivoj?
Teksts papyldynuots ar boguoteigom ilustracejom – viesturiskim foto, dokumentim, kartem, portretim i ainovom. Stuosti saraksteiti laikā nu 2016. da 2023. goda i periodiski tykuši publicāti žurnalā “A12” i laikrokstā “Latgales Laiks”. 
Gruomotys redaktore i literate Ilze Sperga par kruojumu: “Valentins Lukaševičs itamā gruomotā cytim paruoda sovu Latgolu.. stuostūt par vītom i cylvākim, kurūs nareši nimoz vaira nav i palykušys tik legendys, nūstuoški i vacys gravirys, īroksti arhivūs i tuo laika gazetuos. Itei gruomota ir autora mīlesteibys stuosts, kur jis atsazeist, cik svareiga jam itei pasauļa mola.
Gruomotys muokslineica – Inese Dundure, redaktore – Ilze Sperga, izdeviejs – SIA “Cymuss”.
Stuostu kruojumu var īsaguoduot škārsteikla veikalā taiseitslatgola.lv, veikalā “O!Marta” Daugovpilī i gruomatneicuos “Jānis Roze”. Kruojuma izdūšonu atbaļstejuse Vaļsts kulturkapitala fonda mierkprograma “Latvīšu viesturiskūs zemu atteisteibys programa” i bīdreiba “Latgolys regiona atteisteibys agentura”, informēj gruomotys projekta vadeituoja Kristīne Pokratniece.
Edeitis Laimis foto, lakuga.lv