Projekts - Maruta Latkovska: “Vuordam ir lels spāks, tys kai guņteņa var aizdegt ari cytu ļaužu sirsnenis”

Dūmojams, ka na vīnam viņ, pasaverūt iz ituo roksta apakšviersrokstu rassīs nūjausma, kas itūreiz ir muns sarunu bīdrys. Nui, tei ir Maruta Latkovska. Viļuonīte, tūstorp Viļānu piļsātys Gūda piļsūne. Labi zynoma kai žurnaliste i ilggadeja žurnala “Katōļu Dzeive” redaktore. Sajāmuse treis “Boņukus” – par žurnalu „Katōļu Dzeive” i specbolvu Boņuka izskotā par Kārļa Skalbis puorsokys “Kačeiša patmalis” puorlykumu latgaliski, vēļ vīnu Boņuku par juos myuža īguļdejumu Latgolys kulturviesturis atteisteibā. Jau nu studeju laika Latvejis Universitatis Filologejis fakultatis Žurnalistikys nūdaļā jei Vaļsts bibliotekā kū poša ir vaira dabuojuse zynuot par latgalīšu literaturys i presis viesturi, deļtuo ari aizastuojuse par latgalīšu volūdu i juos vierteibom. Aizrauteigs cylvāks, kurs, lai kaidu dorbu dareitu, īgulda jimā vysu sevi – i laiku, i sirdi...