Pōrdūmys, svynūt Dzymtōs volūdys dīnu [jeb kai paskaidrōt bārnam – deļ kō tai?]
21. februarī jau nu 2000. goda piec UNESCO apstyprynōjuma svynom Storptautiskū dzymtōs volūdys dīnu (International Mother Language Day), kurys mierkis ir sekmēt volūdiskū i kulturys daudzveideibu i daudzvolūdeibu. Pasauļa īdzeivōtōji runoj vairōk nakai 6700 volūdōs, i ir viņ 2000 volūdu, kurōs runōtōju skaits sasnādz 1 miljonu cylvāku. Apmāram pusē volūdu – ap 3000 – runōtōju skaits napōrsnādz 1000 cylvāku. Lelōkō daļa nu tom ir iz izmieršonys rūbežys! Kotru mienesi pasaulē pazyud vairōkys volūdys i leidz ar tom ari itūs volūdu kulturys montōjums...
Avīze: