(vīneigajai konkursā atminis beja īsnāgtys dzejā)
Šaltenis nu bierneibys
Bierneibā
Maltys upis krostā
givu vieju,
peļdētīs skrieju,
zīdu bantis motūs sieju.Y
Nu opolajim meldrim peipis taisieju,
Dyumu ar sābru puikom īviļkt gribieju.
Iz sīna kaudzis mūdis demonstrieju,
Kai munys štātis citim pateik prasieju.
Nu alkšnu zorim svilpis taisieju,
Arvīn skaļuokys skanis apkuort kaisieju.
Matakla kolna lozduos piec rīkstim kuopu,
Kreitūt beja saplāsta kleita i daudz suopu.
Par gruomotys atjimšonu sābru puiku ar slūtu sytu,
Tod ilgi globuojūs i lasieju gruomotu cytu.
Siebrineica upē kūka bucu olam miercēja,
Īkšā bieru smilts, tys bārnus prīcēja.
Klāvā vystu ūlys svaigys salasieju,
Uora plitā pi cyuku buļbom vuorieju.
Kaidu dīnu motus iz pīris nūgrīzt steidžu,
Frizīra krāslā, iz rūkturim puorlyktuo dieleiša,
Garūs bižu peišonys stuostu beidžu.
Gūvi slaukt mieginuot guoju,
Kod pīslaukti beja pylni kalaši,
Mamai piec paleidzeibys ar rūku muoju.
Iz upis teirieju snīgu nūsveiduse
I guoju iz laukumu slidys apmaukuse.
Sābru bārnim deju karnevālu reikuoju,
A dreiž sveidu i stypri klybuoju,
Lānom i baileigi iz sātu guoju...