Jaunys grōmotys latgaliski i par Latgolu

Latgolys kulturys centra izdevnīceibā izdūta Jōņa Cybuļska saraksteitō biografeja par dzīsminīku i latgalīšu rūkroksta grōmatnīceibys pōrstōvi Andryvu Jūrdžu.
Latgolys kulturys centra izdevnīceibā izdūts 25. literaturys almanahs “Olūts”.
Bet apgōds “Jumava” pūliski i latviski izdevs Latgolā dzeivojūšō pūļu muižnīka Gustava Manteifeļa grōmotu “Poļu Inflantija”.
Latvejis Nacionalais kulturys centrs izdevs grōmotu “Dienvidlatgalē austās segas”, kurys autore ir Latvejis Etnografiskō breivdobys muzeja Krōjumu nūdalis vadeitōja, mōkslys viesturneica Daina Kraukle.
Izdūts rokstu krōjums “Bīskaps Boļeslavs Sloskāns – gaisma šodienas pasaulei”.
Bet Lelbritanejis izdevnīceiba “Francis Boutle Publishers” rudinī izdūs treis latgalīšu autoru – Oskara Orlova (Raibō), Ingridys Tāraudys i Ligijis Purinašys – dzejis krōjumu.